Cirf e Sportel pe lenghe furlane de Universitât dal Friûl a àn prontât ancje par chest an il Lunari dal Ateneu.
Daûr dal sucès che e veve vût la edizion pal 2021, al è stât decidût di tornâ a fâlu par chest an.

In cheste ocasion il Lunari dal Ateneu al judarà a vivi la vite di ogni dì ricuardant e memoreant il passât.
Cun di fat, il Lunari, che ancje par chest an al è stât fat par che al vegni poiât suntune taule o suntune scrivanie o su cualsisedi plan, in maniere che al puedi compagnâ la cuotidianitât di ognidun, al presente ancje un struc de storie de nestre Universitât.

La distribuzion dal Lunari e je in plen davuelzioment.

Par savênt di plui: cirf(at)uniud.it e sportel.furlan(at)uniud.it.