Imparâ lis lenghis cul doprâlis par imparâ chês altris materiis. Si pues definî in struc in cheste maniere la metodologjie didatiche de imersion linguistiche, che e ven doprade in diviersis comunitâts di minorance juste cul intindiment di promovi un aprendiment e une cognossince de lenghe proprie che a sedin di cualitât e di sostance e duncje di garantî i dirits linguistics tal cjamp de istruzion a ducj i arlêfs des scuelis presintis in chel specific teritori.

Miercus ai 24 di Novembar li dal Auditorium  Parc Bit di Palma de Mallorca, intes Isulis Baleârs, si provarà a fâ il pont de situazion, clamant dongje e sperts e operadôrs che a lavorin tes scuelis di diviersis comunitâts de Europe e che a presentaran lis lôr esperiencis.

L'apontament, che il so program complet si lu cjate culì, al è inmaneât de bande dal NPLD, la Rêt Europeane pe promozion de Diversitât Linguistiche, che di chê e fâs part ancje la Universitât dal Friûl midiant dal CIRF, e de Coppieters Foundation, cu la colaborazion dal Guvier des Isulis Baleârs.