Joibe al 1n di Dicembar dal 2011, aes cinc daspò misdì, te Sale Florio de Universitât dal Friûl (vie Palladio 8, Udin) e vignarà presentade la version par furlan dal Infier di Dante Alighieri, par opare di Pierluigi Visentin e publicade di Kappa Vu edizions.

A saran presints la professore Piera Rizzolatti, diretore dal CIRF, la professore Fabiana Fusco, dal Dipartiment di Studis Umanistics de Universitât dal Friûl, la professore Silvana Schiavi Fachin, esperte di educazion plurilengâl, il dotôr Alessandro Carrozzo, curadôr dal volum e il professôr Mario Turello, critic leterâri.

Lis leturis a saran par cure di Checo Tam, colaboradôr di Radio Onde Furlane e autôr di articui e libris par furlan e di Luisa Gastaldo.

La publicazion e je patrocinade dal Comun di Udin e dal CIRF de Universitât dal Friûl.