Articul 21

No discriminazion

1. E je improibide cualsisedi forme di discriminazion fondade, in particolâr, sul ses, su la raze, sul colôr de piel o su la origjin etniche o sociâl, su lis carateristichis gjenetichis, su la lenghe, su la religjon o ben daûr des convinzions personâls, des opinions politichis o di cualsisedi altre nature, de apartignince a une minorance nazionâl,  dal patrimoni, de nassite, de disabilitât, de etât o dal orientament sessuâl.
2. Intal ambit di metude in vore dai tratâts e tignint cont des lôr disposizions specifichis, e je improibide cualsisedi discriminazion daûr de nazionalitât.

Articul 22

Diversitât culturâl, religjose e linguistiche

1. La Union e rispiete la diversitât culturâl, religjose e linguistiche.