ARTICUL 1 Finalitâts

In coerence cul spirt dal articul 27 dal Pat Internazionâl sui Dirits Civîi e Politics,cjapât su a New York ai 16 di Dicembar dal 1966, de leç dai 25 di Otubar dal 1977, n. 881 e in atuazion dai principis dal articul 2 dal Statût, la Regjon e ricognòs un segn di vitalitât pe stesse civiltât venite e un stimul al so insiorament intes comunitâts etnichis e linguistichis presintis in tiermins storics intal Venit, che a àn chê dal aprofondiment des resons de lôr identitât e dal disvilup de lôr culture in dutis lis sôs manifestazions.

2.Cun chest intindiment la Regjon e promôf la tutele e la valorizazion dal patrimoni storic - culturâl

des comunitâts che si fâs riferiment tal come 1 e al sosten cu lis financis lis iniziativis par garantî la

conservazion, il recupar e il disvilup de lôr identitât culturâl e linguistiche.

ARTICUL 2 Iniziativis culturâls

1.Pes finalitâts di cheste leç la Zonte regjonâl e je autorizade a concedi an par an, contribûts ai organisims dal articul 3 pe realizazion di iniziativis che a rivuardin:

a) la tutele, il recupar, la conservazion e la valorizazion di testemoneancis storichis che a lein lis comunitâts al propri teritori;

b) il disvilup de ricercje storiche e linguistiche, la publicazion di studis, ricercjis e documents, la istituzion di cors di culture locâl, la valorizazion de lenghe e de toponomastiche;

c) la costituzion e valorizazion di museus locâi o di istitûts culturâi specifics;

d) la organizazion di manifestazions dreçadis ae valorizazion di ûs, costums e tradizions propriis des comunitâts.