ARTICUL 2

La republiche e ricognòs e e garantìs i dirits inviolabii dal om, sei tant che singul sei intes formazions sociâls dulà che si davuelç la sô personalitât, e e pretint l’adempiment dai dovês inderogabii di solidarietât politiche, economiche e sociâl.

ARTICUL 3

Ducj i citadins a àn dignitât sociâl compagne e a son compagns denant de leç, cence distinzion di ses, di raze, di lenghe, di religjon, di opinions politichis, di cundizions personâls e sociâls. Al è compit de Republiche eliminâ i ostacui di caratar economic e sociâl che, par vie che a limitin di fat la libertât e la avualance dai citadins, a impedissin il svilup plen de persone umane e la partecipazion efetive di ducj i lavoradôrs ae organizazion politiche, economiche e sociâl dal Paîs.

ARTICUL 6

La Republiche e tutele cun normis di pueste lis minorancis linguistichis.