NOVEMBAR 2025 – FEVRÂR 2026 / AULE 3 AREE DE FORMAZION, VIE MARGRETH 3A, UDIN

VINARS AI 14 DI NOVEMBAR 2025 (15 – 18)

I “fondamentâi" de scriture dal furlan: lenghe standard e varietâts | GABRIELE ZANELLO (Universitât di Udin)

MARTARS AI 25 DI NOVEMBAR 2025 (15 – 18)

Il linguistic landscape furlan: spazis publics e iniziativis privadis | LUCA MELCHIOR (Alpen-Adria- Universität Klagenfurt)

JOIBE AI 18 DI DICEMBAR 2025 (15 – 18)

La lenghe furlane e il cuadri des New Literacies: a ce pont sino? | SERENA MARTINI (Universitât di Udin – Universitât di Modena Reggio-Emilia)

JOIBE AI 15 DI ZENÂR 2026 (15 – 18)

Lenghe furlane e gjornalisim: la atualitât in marilenghe | ERIKA ADAMI (gjornaliste)

JOIBE AI 22 DI ZENÂR 2026 (15 – 18)

Il furlan dai materiâi didatics: osservazions a partî dal PRIN Min Edu | PAOLA SOLERTI (ISIS ‘C. Deganutti’ di Udin)

JOIBE AI 12 DI FEVRÂR 2026 (15 – 18)

La lenghe furlane leterarie ae prove de didatiche | DAVIDE TURELLO (Otto-Friedrich- Universität Bamberg)

JOIBE AI 19 DI FEVRÂR 2026 (15 – 17)

Cuale didatiche dal furlan pai gnûfs locutôrs? | FABIANA FUSCO (Universitât di Udin)

Une des preocupazions plui vivis di chei che si preparin al insegnament di lenghe e culture furlane inte scuele o che za cumò si impegnin ogni dì e je chê dal model di lenghe che la scuele e varès di proponi, e in chest contest il probleme che al ven riclamât plui dispès al è chel dal rapuart jenfri la varietât fevelade e la lenghe standard.

Pe plui part des lenghis minorizadis o pôc pandudis, di fat, al è stât tirât fûr tal passât o al ven tirât fûr ore presint il probleme de standardizazion, ven a stâi de elaborazion di un model linguistic che al fasi di riferiment pe comunitât dai locutôrs.

Lis istituzions linguistichis e culturâls, massime la scuele, a zuin une part di mediazion fondamentâl inte planificazion linguistiche, o sei intal svilup e inte codificazion de lenghe che la comunitât e acete tant che corete, e ancje inte promozion dal ûs de lenghe di bande dai siei locutôrs potenziâi.

I insegnants, duncje, par un viers a son simpri in contat cu la variazion linguistiche fondade sul ûs, par chel altri a son cussients des cuistions di uniformitât grafiche e di standardizazion, si che duncje la lôr atenzion si concentre cualchi volte su la “lenghe autentiche”, vâl a dî su la lenghe praticade dai locutôrs intai diviers ambits di ûs, cualchi volte sul fat di cjatâsi a lavorâ cun materiâi une vore eterogjenis dal pont di viste de standardizazion.

Il cors al intint meti a fûc il dibatiment sul rapuart jenfri norme e variazion linguistiche, massime cuant che chestis considerazions a rivuardin la didatiche des lenghis e i imprescj destinâts par chest fin. Duncje al presentarà il probleme de standardizazion grafiche e morfologjiche, al proponarà une panoramiche sui modei di testualitât “publiche” (linguistic landscape, media, materiâi didatics, tescj leteraris), e alfin al frontarà la cuistion de didatiche dal furlan pai gnûfs locutôrs o par chei che a vegnin di fameis cun background migratori.

Si pues notâsi al cors – DENTRI DAI 13 DI NOVEMBAR DAL 2025 – midiant dal sisteme informatic Esse3

La partecipazion al cors e je gratuite, si à dome di paiâ la marcje di bol di 16 euros cun PagoPA ae fin de procedure di imatricolazion online.

A chei che a partecipin almancul ai doi tierçs des oris di lezion ur vignarà dât un atestât.

Il cors al è valevul tant che titul culturâl pe iscrizion inte liste regjonâl dai insegnants cun competencis ricognossudis pal insegnament de lenghe furlane. Informazions te pagjine www.uniud.it/it/inseg_friulano7