Lis gnovis dal Sportel
Te Gnot dai Letôrs di Udin si lei ancje par furlan
Ai 7, 8 e 9 di Jugn trê dîs di events inmaneâts des librariis de citât, cun apontaments ancje in lenghe furlane
Dai 7 ai 9 di Jugn e torne a Udin la Gnot dai Letôrs, la manifestazion par ducj chei che a àn la passion dai libris. Si preparin trê zornadis sioris di events, organizâts par cure dal Comun di Udin e des librariis de citât.
O segnalìn in particolâr doi events peâts ae culture furlane, che si fasaran li de sede de Societât Filologjiche Furlane in vie Daniele Manin 18 a Udin.
AI 7 DI JUGN AES 16.30
SENEVIERTE
cun Massimo Somaglino, Norma Zamparo, Serena Fogolini, Elisa Copetti e in colegament i autôrs Freark Smink e Doruntina Basha
Presentazion dai prins doi numars di une gnove golaine (SeneVierte) di tescj di dramaturgjie europeane voltâts par furlan, par cure dal Teatri Stabil Furlan e publicâts de Forum Editrice Universitaria:
“Ce crodistu di fâ?!” di Freark Smink, tradutore Serena Fogolini; ”Il dêt” di Doruntina Basha, tradutore Elisa Copetti
event par cure dal Teatro Stabil Furlan in colaborazion cu la Societât Filologjiche Furlane
AI 7 DI JUGN AES 18.00
CE AIAL CUMBINÂT?
LA FURLANETÂT POSTMODERNE DI FRANCO GILEZ SAVERI ZAC MARCHETTA
cun Mario Turello, Walter Tomada, Umberto Alberini, Giorgia e Gianmaria Marchetta
Incuintri dedicât al scritôr Franco Marchetta, a dîs agns de sô muart.
in colaborazion cu la Societât Filologjiche Furlane e il Comun di Codroip
![locandine gnot dai letôrs](/fileadmin/user_upload/notte-lettori-2024.png)