La Universitât dal Friûl e inmanee une scuele estive par une sielte cussiente dal percors universitari, cul titul ORIENTAMENTI. Ae iniziative a partecipin la psicolighe dal ateneu e i tutor dai cors, cun ativitâts pratichis par permeti ai students e aes studentis di cuinte superiôr di testâ lis lôr capacitâts e di cognossi i diviers aspiets de vite universitarie.

ORIENTAMENTI e varà dôs edizions, ognidune di 15 oris: dai 10 ai 14 di Lui e dai 13 ai 19 di Lui.

La scuele si fâs in presince pai students de provincie di Udin. Pai students di altris teritoris e je la pussibilitât di seguî un pocjis di ativitâts a distance, dut câs l’event Università t’incontra al sarà ufiert a ducj in presince.

ORIENTAMENTI e je vierte dome a chei students che a àn finide la scuele superiôr tal an scolastic 2022/23 e a chei che tal prossim an scolastic a frecuentaran la cuinte superiôr.

I temis frontâts a cjapin dentri i struments par supuartâ la sielte dal percors, laboratoris pal orientament psicologjic, esercitazions pai test di amission e moments laboratoriâi e conviviâi cui tutor dai cors di studi.

A cui che al partecipe almancul al 70% des ativitâts al sarà consegnât un atestât. Si pues notâsi tal link culì sot.