Suns Europe, il festival european des arts intes lenghis minorizadis, al va dilunc cun doi events musicâi che a viodin protagoniscj il doi galizian Caamaño & Ameixeiras e il cjantautôr ladin Felix Lalù.

La prime date di segnâsi e je chê di martars ai 21 di Lui aes 9 sot sere, cuant che la organetiste Sabela Caamaño e la violiniste Antía Ameixeiras a sunaran te Cjase Candussi Pasiani di Romans dal Lusinç. Lis dôs artistis a cjapin ispirazion dal repertori tradizionâl galizian e a metin adun une propueste musicâl frescje e elegante, in gracie de lôr preparazion tecniche e strumentâl straordinarie che ur à permetût di fâ cetancj concierts ator pe Europe intai ultins agns.

Il second event, che si davuelzarà miercus ai 22 di Lui aes 9 sot sere te Aree des Fiestis di Lusevare, al zonte ae inovazion des musicistis galizianis la propueste sclete, francje e dute par ladin di Felix Lalù, artist cressût te Val di Non, in Trentin.

La jentrade ai doi concierts e je libare ma al covente notâsi: pal prin (Caamaño e Ameixeiras) li di cheste direzion web e pal secont (Caamaño e Ameixeiras & Felix Lalù) li di cheste altre.