Il volum al propon la traduzion in furlan des Lezions di linguistiche furlane dal autôr stes, une vuide snele, inzornade e sientifichementri rigorose par chel che al inten lis cuistions plui impuartantis che a contribuissin ae formazion de identitât linguistiche dal furlan. In particolâr, i temis che a vegnin tocjâts a son: la storie e la gjeografie de regjon e, cun di plui, il plurilinguisim che la caraterize; la storie, la fonetiche, la morfosintassi, il lessic e la grafie dal furlan, i diviers dialets e il ladin. A completin il lavôr dôs zontis. La prime e cjape dentri une rassegne dai prins tescj furlans che a vegnin di Glemone, di Cividât e di Udin; la seconde e presente lis dôs leçs pe tutele de lenghe, chê regjonâl 15 dal 1996 e chê nazionâl 482 dal 1999. Une largje rassegne bibliografiche e siere la publicazion, che e je indreçade soredut ai insegnants des scuelis dal Friûl, ai students de universitât e al public dai tancj cultôrs di robis furlanis.

Titul: Lezions di lenghistiche furlane
Autôr: Federico Vicario
Editôr: Forum
Lûc di publicazion: Udin
An di publicazion: 2007
Golaine: Cuaders dal CIRF
Formât: cm 14x21; pagjinis 112
ISBN: 978-88-8420-399-1