Lis gnovis dal Sportel
Elezions dai rapresentants dai students: si vote ai 19 e ai 20 di Avrîl
Ai 19 e 20 di Avrîl (h 9.00 - 18.00) si fasaran lis consultazions eletorâls par rinovâ i rapresentants dai students tai orghins academics de Universitât dal Friûl, ven a stai
- tal Senât Academic,
- tal Consei di Aministrazion de Universitât,
- tal Comitât dai Students de ARDiS (Agjenzie Regjonâl pal Dirit al Studi),
- tal Consei dai Students,
- tal Consei de Scuele interdipartimentâl
- tai Conseis dai Dipartiments,
- tai Conseis dai cors di studis,
- tal Consei de Scuele Superiôr,
- tal Consei de Scuele di specializazion.
I rapresentants elets a restaran in carghe pal rest dal an academic 2022/2023 e par dut il bieni academic 2023/2025.
E je une ocasion di no pierdi par fâ sintî la vôs dai students te Universitât.
Lis elezions si tignaran cuntune procedure in linie, dulà che i students a podaran jentrâ cu lis lôr credenziâls personâls.
Il Regolament par votâ, lis listis dai candidâts, lis istruzions pe procedure di vôt e dute la documentazion si puedin consultâ e discjamâ sul sît di Uniud te pagjine Elezioni studentesche.
