Scjadince par presentâ lis domandis: ai 28 di Avost; 50.000 euros a disposizion pal 2017

La ARLeF (Agjenzie Regjonâl pe Lenghe Furlanis) e à burît fûr un bant trienâl pe promozion de lenghe furlane intal setôr dal spetacul. L'impuart metût a disposizion, pal 2017, al rive a 50.000 euros. Il finanziament al à tant che obietîf la promozion de lenghe furlane intal setôr musicâl, cinematografic, teatrâl e leterari par mieç de realizazion di festivai/spetacui di cualitât pai zovins, cul coinvolziment di chês altris minorancis linguistichis europeanis. La iniziative progjetuâl e va puartade insom, par ogni anualitât di riferiment, al massim dentri dai 31 di Dicembar. A puedin fâ domande pai contribûts ents publics e sogjets privâts (fondazions, associazions e ents cence fin di vuadagn, impresis e societâts).

Lis domandis a varan di rivâ, dentri dal tiermin perentori dai 28 di Avost dal 2017 aes 12.00, cun spedizion vie PEC ae direzion arlef(at)certgov.fvg.it

I obietîfs specifics dal bant e lis modalitâts di presentazion des domandis si puedin consultâ sul sît www.arlef.it, sezion Bants garis e avîs. Si pues domandâ informazions in plui clamant il numar 0432.555847, o scrivint ae direzion di pueste eletroniche: francesca.andrioli(at)regione.fvg.it