Il progjet si indrece ai zovins che a an mancul di 28 agns e che a fevelin furlan, ma ancje a chei che no lu cognossin par nuie o pôc.

Gnove iniziative de Arlef che e clame adun fantats e fantatis cun mancul di 28 agns che a sedin za YouTubers o che a vuelin deventâlu. L’obietîf al è chel di sielzi un grup di zovins che a vedin voie di contâsi al mont, di condividi lis propriis passions cun altris utents de stesse etât e di esprimi il lôr talent par furlan, ma no dome.

Par cheste iniziative, di fat, la ARLeF e à in program di creâ un gnûf canâl dulà che lis fantatis e i fantats a puedin interagjî, condividi, informâ, imparâ, cjapâ ispirazion, ognidun cul so stîl personâl.

Candidâsi al è sempliç. Dopo jessi jentrâts sul sît arlef.it, lant jù a bas fin a rivâ ae vôs "Gnovis" al bastarà clicâ sul banner dedicât: “AAA si cirin YouTubers”. Dentri dai 19 di Mai, jentrant tal form (https://arlef.it/it/aaa-youtuber-cercasi/) a si podarà inviâ la proprie video-presentazion curte (realizade ancje cul smartphone), contant la proprie passion e l’argoment che si volarès tratâ intal ambit dal gnûf canâl.

Par sclariments dal câs, i candidâts a podaran inviâ un messaç di pueste eletroniche a info(at)sportelfurlan.eu o clamâ il 0432 1743400.