Il Babel Film Festival di Casteddu/Cagliari, che chest an al è rivât ae otave edizion, alè il prin concors cinematografic internazionâl destinât in mût esclusîf aes produzions cinematografichis che a cjalin e a contin lis minorancis, in particolâr chês linguistichis.

Chest an al à vinçût il Premi “Maestrale” pal miôr documentari “Ulderica, fruta di mont” di Stefano Giacomuzzi, realizât in lenghe furlane e dedicât ae fotografe Ulderica da Pozzo.

Cheste e je stade la motivazion de jurie: Pe poesie e pe purece dal stîl doprât par fâ jentrâ il spetatôr intal mont cuadrât de fotografe Ulderica da Pozzo, che al rint cuntune fotografi rafinade la sô capacitât di cjalâ ai paisaçs evocatîfs de sô tiere, la Cjargne e Friûl, e ai fruts, feminis e oms che in chê tiere a vivin. Lis lûs e lis ombris dal documentari di Stefano Giacomuzzi a son il spieli de ricercje de artiste Ulderica, ma ancje de sô cundizion di eterne frute, tal timp, tal spazi e te lenghe. Une storie intime, intune gjeografie ristrete, che e devente universâl cu lis domandis sul sens dal vivi, dal lassâ un segn dal nestri passaç su la tiere e sul spietâ la muart, cemût che nus ricuardin lis imagjins comoventis de Spoon River di Ulderica.

Culì sot la liste di ducj i premis assegnâts.

Premi “Maestrale” miôr luncmetraç

Neighbours, di Mano Khalil, Siria, 2021, in lenghe kurdí

Menzon speciâl: Y Sŵn, di Lee Haven Jones, Gales, 2023, in lenghe galese

Premi “Maestrale” miôr documentari

Ulderica, fruta di mont [Ulderica, the mountain child] di Stefano Giacomuzzi, Italia, 2023, in lenghe furlane

Premi “Maestrale” miôr curtmetraç

Takanakuy, di Gustavo Vokos, Brasîl, 2022, in lenghe quechua

Menzon speciâl: Things unheard of, di Ramazan Kilic, Turchie, 2023, in lenghe kurdí

Premi “Unica” Città di Cagliari

Assegnât dai students de Universitât di Cagliari:

Malafede, di Chiara Borsini | Marialuisa Greco | Paolo Corazza, Italie, 2022, in dialet campan

Premi ONE WOR(L)D

Assegnât di une delegazion di migrants presints in Sardegne:

Mamody, the last baobab digger, di Cyrille Cornu, France, 2022, in lenghe mahafaly

Menzon speciâl: La banyera [The Bathtub], di Sergi Martí Maltas, Spagne, 2021, in lenghe català

Premi UMANITARIA

Assegnât des sedis de Società Umanitaria in Italie:

Amei te Ver [I Loved to See You], di Ricardo Garcia, Brasîl, 2023, in lenghe libras – lenghe dai segns portughese

Premi DIRIT DI PERAULE

Assegnât dai students des scuelis superiôrs di Cagliari

Faulas, di Michela Anedda, Italia, 2023, in lenghe sarde

Premi ITALYMBAS

Assegnât des minorancis linguistichis diCatania; Ostana (CN), Dolianova (CA), Martignano (LE) e Udin.

Cara a su 'entu, di Andrea Deidda, Italie, 2023, in lenghe sarde

Premi dal public FICC

Assegnât di une Jurie costituide dal public dai circui dal cine

Sar [The Cold], di Adar Baran Deger, Turchie, 2021, in lenghe kurdí

Premi Cineclub FEDIC Casteddu

Assegnât di une Jurie costituide dai iscrits al Cineclub Fedic di Cagliari.

Tre volte alla settimana, di Emanuele Vicorito, Italie, 2022, in dialet napolitan

Premi AAMOD

Jurie costituide dal public dal Archivi Audiovisîf dal Moviment Operari e Democratic.

33’66°, di Matteo Leonardo Sanders, Austrie, 2022, in dialet tirolês

Premi OSTANA - SCRITURIS IN LENGHE MARI

Assegnât dal Premi Ostana – Scrituris in lenghe mari.

L’ultima habanera, di Carlo Costantino Licheri, Italie, 2020, in lenghe sarde

Premi DIARI DI CINECLUB

Jurie costituide de redazion di “Diari di Cineclub” di Rome

For Justice, di Elif Yiğit, Turchie, 2022, in lenghe kurdí