Sanitât e comunicazion sociâl: il rûl des lenghis minoritariis

Dal furlan al sloven al todesc: oportunitâts, utilitât e imprescj di une comunicazion "diferente"

Ce ise la comunicazion sociâl e parcè fâle in lenghe minoritarie? Cuâl isal il valôr zontât di une comunicazion sociâl pandude in lenghe minoritarie? Parcè la lenghe minoritarie ise simpri plui doprade tes campagnis de comunicazion sanitarie e di prevenzion? A chestis e a altris domandis e cirarà di rispuindi la cunvigne "Lenghis vivis, int in salût", inmaneade de Aziende pai servizis sanitaris n. 3 “Friûl de Alte”, dal Centri interdipartimentâl di ricercje su la culture e su la lenghe dal Friûl (Cirf) de Universitât dai Studis di Udin e de Regjon Friûl Vignesie Julie, in program par vinars ai 20 di Otubar, aes 8.45, te Sale consiliâr dal Comun di Dartigne. I lavôrs si vierzaran cui salûts dal sindic di Dartigne, Roberto Venturini, dal retôr Furio Honsell, dal diretôr de Aziende pai servizis sanitaris n. 3 “Friûl de Alte”, Piero Pullini, des autoritâts regjonâls e de diretore dal Cirf, Piera Rizzolatti. La cunvigne e je stade metude in pîts e promovude ancje in gracie dai fonts de leç 482/1999 pe tutele des minorancis linguistichis storichis. I relatôrs a podaran fevelâ te lenghe minoritarie di apartignince. Pal altris informazions e par notâsi domandâ ae segretarie organizative de Ass 3 Friûl de Alte: tel. 0432 989454/41; e-mail formazione@ass3.sanita.fvg.it, mark@ass3.sanita.fvg.it. La prime session, moderade di Olga Passera, diretore Marketing sociâl de Ass 3 Friûl de Alte, si vierzerà cuntune lezion magjistrâl su “Medicalizzazione della vita e comunicazione sanitaria” di Gianfranco Domenighetti, diretôr dal Servizi sanitari dal Cjanton Ticin (Svuizare) e docent di Economie, politiche e comunicazion sanitarie ae universitât di Losane e di Lugan. Daûr di chê a vignaran fatis lis relazions di: Claudio Melchior, docent di Sociologjie ae Universitât di Udin, “La comunicazione sociale e i suoi ambiti di efficacia”; Valter Colle, gjornaliste e ricercjadore in ambit etno-antropolic, “Dal privato al pubblico: oralità, lingua, identità. Uso, funzione e valore del friulano nei diversi modelli di comunicazione”; Marco Stolfo, diretôr dal Servizi identitâts linguistichis, culturâls e coregjonâi tal forest de Regjon Friûl Vignesie Julie, “La comunicazione sociale nelle lingue minoritarie: valore, diritto, opportunità”. La seconde session de cunvigne e tacarà aes 14.30 e e sarà dedicade a cualchidune des esperiencis di comunicazion sociâl in FVJ: lis campagnis di comunicazion par furlan de Regjon, lis campagnis sanitariis e di prevenzion multilengâl de Ass 3 Friûl de Alte, la comunicazion e informazion plurilengâl dal Comun di Tarvis e de Aziende ospedaliere-universitarie di Udin, la gnove campagne di promozion dal furlan par cure dal Cirf. I lavôr dal daspò misdì, moderâts di Elena Zanussi dal Cirf, a tornaran a tacâ cul intervent di Donato Toffoli, dal Comitât tecnic e sientific de Agjenzie regjonâl pe lenghe furlane (Arlef), che al tignarà une relazion su “Politica linguistica e pianificazione dello status: promozione della lingua o promozione in lingua friulana? Le campagne di comunicazione in lingua friulana promosse dalla Regione autonoma Friuli Venezia Giulia”. Francesca De Luca, consulente di marketing sociâl de Aziende pai servizis sanitaris n. 3 "Friûl de Alte", al fevelarà di "Il piano di marketing sociale dell’Ass3 Alto Friuli”. Cesare Scalon, diretôr dal dipartiment di Siencis storichis e documentaris de Universitât di Udin, e Priscilla De Agostini, dal CIRF dal ateneu udinês, a spiegaran cemût “Comunicare l’università: strategie ed esperienze dell’ateneo friulano. Un esempio di promozione in lingua friulana”. Il sindic e la assessore ae Culture, publiche istruzion e sanitât di Tarvis, Franco Baritussio e Nadia Campana, a fevelaran di “Il Comune di Tarvisio per una sanità senza confini e più vicina al territorio”. E sierarà i intervents Isabella Garlatti, infermiere coordenadore de cliniche des Malatiis infetivis de Aziende ospedaliere-universitarie di Udin, che e spiegarà. Ae fin, al vignarà fat un dibatiment.