joibe ai 7 e vinars ai 8 di Setembar

La Coldiretti e vierç il so calendari di apontaments a Friuli DOC cuntune degustazion vuidade dute par furlan, ae discuvierte dai prodots agroalimentârs tradizionâi dal F-VJ.
La biodiversitât contadine in lenghe furlane
Joibe ai 7 di Setembar aes 7 di sere te cort di Palaç Morpurgo
Jentrade libare cun prenotazion a campagnamica.fvg(at)coldiretti.it o ben al numar 366 5722897

Chel sot invezit al è il program dai incuintris inte suaze di Friuli DOC par cure de Societât Filologjiche Furlane

Joibe ai 7 di Setembar, aes 5 e mieze daspomisdì
Cjanive de Societât Filologjiche, Palaç Mantica, vie Manin 18/a
Contis popolârs furlanis pe scuele
Scree de mostre des ilustrazions gjavadis fûr des pagjinis dal diari Olmis 2023/2024
Orari di visite fin ai 29 di Setembar: di lunis a vinars 10.00-13.30 e 15.00-17.30

Vinars al 8 di Setembar, aes 4 daspomisdì
Cjanive de Societât Filologjiche, Palaç Mantica, vie Manin 18/a
Contis di cjarte
Laboratori pai fruts cu la ilustradore Federica Pagnucco

Vinars ai 8 di Setembar, aes 9 di sere
Salone d'onôr di Palaç Mantica, vie Manin 18/a
La scuele dai Montico: de tradizion ae inovazion
Cerce musicâl cul cuartet di arcs "Montico"
Guido Freschi e Oscar Pauletto (violins), Stefano Pagotto (viole), Stefania Pellizzer (violoncel)
Presentazion par cure dal prof. David Giovanni Leonardi dal Conservatori Jacopo Tomadini di Udin

sabide ai 9 di Setembar

Inte suaze di Friuli DOC, ancje l'Ufici pe lenghe furlane dal Comun di Udin adun cui Civici Musei Udine al à organizât doi apontaments speciâi in marilenghe che si davuelzaran tal Museu Etnografic dal Friûl sabide ai 9 di Setembar.

Il prin apontament al è aes 10 cu la conference Di tai in tai fra Ribuele e Tocai dal agronom Enos Costantini, che al contarà di vîts e vins in Friûl.

E par finîle, une degustazion di vin furlan par cure de Associazione Italiana Sommelier del Friuli Venezia Giulia.

La jentrade e je libare cun prenotazion obligatorie (max 50 personis) a biglietterie.civicimusei(at)comune.udine.it

Il secont apontament in marilenghe al è aes 15: une socie dal Centri Internazionâl di Ricercje Tessil di Vile di Cjargne e acompagnarà i visitatôrs intune visite vuidade gratuite ae mostre Trame antiche e moderne.

Par informazions e prenotazions: cirt.info.associazione(at)gmail.com

domenie ai 10 di Setembar

Il spazi “Aperitivo Io sono Friuli Venezia Giulia”, in Zardin Grant, al darà acet a un dopli apontament di domenie ai 10 di Setembar, par cure de ARLeF.

Il prin apontament di domenie al è pes 14.30 cul LABORATORI MAMAN! PAI PLUI PIÇUI (si consee di notâsi scrivint a info(at)sportelfurlan.eu).
Tal event “Ce snait cun Maman!”, Daria Miani, condutore de innomenade trasmission televisive par furlan pai fruts, e animarà il laboratori ludic didatic pai fruts. La lenghe furlane e sarà protagoniste di un zûc speciâl dedicât al mangjâ e il divertiment al è sigurât. A ducj i partecipants ur vignarà dât un regâl simpatic.

Il secont apontament di domenie cu la lenghe furlane al è pes 16.00 cun YOUTUBER E TIKTOKER FURLANS.

Spazi ae gjenerazion Z (ma no dome) cul event “YoupalTubo e Tic e Tac furlan”.
Si fevelarà dai canâi YouTube e TikTok made in Friûl, tabaiant cui zovins youtubers di YoupalTubo (Lucia Bello, Federico Benedet, Davide Buccheri, Mattia Cantarutti, Desiree Chiappo, Francesco Colombino, Nicolas Fonzar, Federico Iob, Diego Scarsini, Fabio Valvason) e la tiktoker Greta Fabbro cul soTic e Tac Furlan.

A contaran cemût che e je nassude la lôr aventure digjitâl par furlan e ce che al sucêt daûr des cuintis. Cun di plui, a fasaran viodi i videos che ju àn fats cognossi e a rispuindaran aes curiositâts dal public.