AREE DE FORMAZION - VIA MARGRETH 3A, UDINE - AULE 3
10, 14, 24 e 31 DI MAI 2024 / des 15.30 aes 18.30

VINARS AI 10 DI MAI

Lis tradizions musicâls orâls in regjon: documentazion e materiâi pe didatiche

ROBERTO FRISANO - Liceu “C. Percoto”, Udin

MARTARS AI 14 DI MAI

Aprendiment dal lengaç verbâl e musicâl: identitâts, analogjiis, paralelisims

ALESSANDRO PACE - Universitât di Udin

VINARS AI 24 DI MAI

Esperiencis di aprendiment dal sauran traviers de musiche

LUCIA PROTTO Centro Etnografico di Sauris / Haus van der Zahre

Laboratori musicâl in lenghe furlane (1)

LINO STRAULINO Istitût comprensîf di Paluce

VINARS AI 31 DI MAI

Il fîl de musiche: aprendiment de lenghe e dal dialet sloven intun ambient plurilengâl traviers de musiche

MARTINA ŠOLC, POLONA TOLMINEC Istitût comprensîf “P. Petricig” bilengâl talian-sloven di San Pieri dai Sclavons / Večstopenjska šola “P. Petričič” s slovensko-italijanskim dvojezičnim poukom

Laboratori musicâl in lenghe furlane (2)

LINO STRAULINO Istitût comprensîf di Paluce

Al è risavût che a esistin une vore di analogjiis jenfri la acuisizion dal lengaç verbâl e l’aprendiment di chel musicâl, che il secont al facilite e al favorìs il prin, e che cetantis metodologjiis classichis pal insegnament de musiche si fondin sul cjant popolâr di tradizion orâl, considerât tant che patrimoni no dome musicâl, ma ancje e soredut sociâl, ambientâl, linguistic e storic. Ancje lis metodologjiis plui modernis, ispiradis ae didatiche creative, no separin dibot mai il rapuart jenfri lengaç verbâl e lengaç musicâl.

Il cors si propon di meti a fûc i procès di aprendiment incentrâts sedi sul aspiet musicâl che su chel linguistic, frontant prin di dut la problematiche dal pont di viste etnomusicologjic e di chel didatic. Po e vignarà presentade cualchi esperience relative a contescj di minorance linguistiche storiche de nestre regjon e in paralêl a saran proponûts laboratoris musicâi destinâts in mût particolâr (ma no esclusîf) ai insegnants che si ocupin di lenghe e culture furlane intai diviers grâts scolastics.

Si pues notâsi al cors
— DENTRI DAI 8 DI MAI DAL 2024 —
midiant dal sisteme informatic Esse3
La partecipazion al cors e je gratuite, si à dome di paiâ la marcje di bol di 16 euros cun PagoPA ae fin de procedure di imatricolazion online.
A chei che a partecipin almancul ai doi tierçs des oris di lezion ur vignarà dât un atestât.
Informazions te pagjine https://www.uniud.it/it/inseg_friulano5

Il cors al è finanziât de Regjon Friûl Vignesie Julie
In colaborazion cun ARLeF e Docuscuele
Cul patrocini dal Ufici Scolastic Regjonâl pal Friûl Vignesie Julie

UNIVERSITÂT DAL FRIÛL
DIPARTIMENT DI LENGHIS E LETERATURIS, COMUNICAZION, FORMAZION E SOCIETÂT
CEDA — CENTRI DIPARTIMENTÂL SUL APRENDIMENT, LA EDUCAZION E LA FORMAZION
Cors di lauree in Siencis de formazion primarie - Percors pal insegnament in lenghe e culture furlane