Dutis lis gnovis

Autonomist e autôr teatrâl, a Udin ai 17 e ai 19 di Otubar omaç dopli par D'Aronco

Doi apontaments par memoreâ Gianfranco D'Aronco e doi aspiets di fonde de sô personalitât - chel leterari e chel politic - intant che si svicine il secont inovâl de sô muart, ai 3 di Dicembar dal 2019. A son chei inmaneâts de bande dal Comun di Udin, dal Gruppo Teatrale della Loggia e dal Istitût Ladin-Furlan” Pre Checo Placerean” sot dal titul “Gianfranco D'Aronco: autonomist e autôr teatrâl”.
Domenie ai 17 di Otubar a 6 sot sere li dal teatri Palamostre in place Paolo Diacono 21 a Udin il “ Gruppo Teatrale della Loggia” al presente “Mat su misure”,  leture di un test teatrâl scrit di D’Aronco tai agns Sessante dal secul stât e voltât par furlan par cure di Bepi Agostinis.
Martars ai 19 a 5 e mieze dopo di misdì inte Sale Ajace e vignarà fate la presentazion di “Par une regjon dome furlane 1945-1947”, il gnûf libri de “Golaine di studis sul autonomisim”par cure di Gianfranco Ellero.
La partecipazion ai doi events e je libare e sore nuie, ma pal event di domenie al covente prenotâsi scrivint a , intant che pa martars si pues jentrâ fin che a son puescj. Ai events a puedin partecipâ dome chei che a àn la certificazion verde COVID-19 (art. 3 dal Decret Leç dai 23 di Lui dal 2021, n. 105). 

Indaûr