Doi apontaments targâts CIRF te Setemane de culture furlane
Ancje la Universitât dal Friûl, rapresentade dal CIRF, e partecipe ae Setemane de Culture Furlane coordenade de Societât Filologjiche Furlane, cun doi incuintris par cognossi dôs figuris impuartantis de culture furlane.
Joibe ai 18 di Mai - Giuseppe Bugatto
Joibe ai 18 di Mai 2023 aes 17.00 inte aule 2 di Palaç Antonini si davuelzarà la conference dal titul: "Che nissun disponi di nô sensa di nô”. Giuseppe Bugatto tra Friûl e Europe, tra Italie e Imperi.
Un incuintri par cognossi la figure di Giuseppe Bugatto, personalitât politiche autorevule dal Friûl Orientâl tra la fin dal Votcent e la metât dal Nûfcent, a cent e cincuante agns de sô nassite.
La sô personalitât e la sô ativitât a saran il teme di un confront tra Ferruccio Tassin e Marco Stolfo.
Vinars ai 26 di Mai - Achil Telin
Vinars ai 26 di Mai 2023 aes 17.00 inte aule 2 di Palaç Antonini si davuelzarà la conference dal titul: La Patrie Ladine. Il Friûl in Europe di Achil Telin.
Un incuintri dedicât ae figure di Achil Telin, sienziât, linguist, studiôs di tradizions popolârs, ativist esperantist, impegnât a promovi la lenghe furlane e l'autoguvier dal Friûl tra la fin dal Votcent e la prime metât dal Nûfcent, a otantecinc agns de sô nassite.
La sô personalitât, lis sôs ideis e lis sôs oparis a saran il teme di un confront tra Donato Toffoli e Marco Stolfo.
