Un altri apontament dal program dal Mittelfest là che la lenghe furlane e je protagoniste al è chel cun Maçalizi - il dio del massacro, la version par furlan di Le Dieu de carnage, opare teatrâl di Yasmina Reza.

Ai 29 e ai 30 di Lui, cun doi spetacui par sere a 7 e mieze e a 9 di sere  tal claustri di Sant Francesc, cu la regjie di Fabrizio Arcuri e Rita Maffei, Fabiano Fantini, Massimo Somaglino, Aida Talliente e la stesse Rita Maffei, a puartaran in sene chê storie di confront e di scuintri tra dôs fameis intun contest borghês, che i veve dât une cierte innomine internazionâl Roman Polanski.

Il test al è stât voltât par furlan di William Cisilino e Michele Calligaris.

Il spetacul al ven metût adun in graciis de colaborazion tra ARLeF, CSS Teatro Stabile di innovazione del F-VG e Mittelfest.

Altris informazions in cont dal spetacul si cjatin culì.