Doi 'seminaris di aprofondiment, doi incuintris cun ancjetancj studiôs e autôrs e dôs ocasions di confront cun almancul trê libris e diviers argoments. Al è ce che al promet Contemporanea, il program di apontaments metût adun in bande dal insegnament di Storie contemporanie e des Comunicazions di masse inte suaze dal Cors di lauree in Relazions publichis de Universitât dal Friûl che si dalvuelç li dal Centri polifunzionâl di Gurize.

Il prin 'seminari si fasarà Joibe ai 2 di Dicembar: protagonist Federico Tenca Montini, assegnist di ricercje li dal Dipartiment di Siencis politichis e sociâls de Universitât di Triest e autôr dal libri La Jugoslavia e la questione di Trieste (1945-1954).

Il secont al è in program Joibe ai 16 di Dicembar e al vignarà puartât indenant di Adriano Cirulli, ricercjadôr li dal Dipartiment di Siencis Matematichis, Informatichis e Fisichis de Universitât dal Friûl, là che al insegne Social Media e Comunicazion visuâl, e autôr di Etnoregionalismi. Teorie e problemi e di L'ascia e il serpente.

I doi apontaments si fasin di 2 a 4 dopo di misdì inte aule Antonio Vitale Bommarco, che si cjate a Gurize in Cors verdi 4. 

La iniziative e je coordenande di Marco Stolfo, docent di Storie contemporanie e des Comunicazions di masse intal  Cors di lauree in relazions publichis de Universitât dal Friûl.