Inte suaze dal progjet dal Ateneu Cantiere Friuli, inte golaine specifiche de cjase editore Forum, al è saltât fûr che nol è tant il libri Cittadini per l'Europa. Dal dibattito accademico alle politiche culturali, par cure di Matteo Daicampi e Francesco Emanuele Grisostolo.

Inte publicazion si dan dongje diviers contribûts di ancjetancj autôrs che a tratin i temis de identitât e de citadinance tra Europe e Friûl.
Un dai cjapitui al à unevore a ce fâ cu lis ativitâts dal CIRF. Cun di fat il so titul al è “L'Università del Friuli per un Friuli più friulano e più europeo” e al è firmât dal so diretôr, Enrico Peterlunger, e di Marco Stolfo.

Dentri dal libri si cjatin ancje altris contribûts dedicâts al pluralisim linguistic dal Friûl: a son chei di Federico Vicario, sui cent agns de Filologjiche Furlane, di Renato Oniga, diretôr dal Centri Internazionâl sul Plurilinguisim (CeIP) de Universitât dal Friûl, che al fevele de ativitât di chel Centri dal ateneu, di Matejka Grgič, in cont des comunitâts slovenis, di Alfredo Sandrini, che al presente lis ativitâts scolastichis di educazion plurilengâl inte Valcjanâl, e di Marco Stolfo, dedicât al Friûl european di Radio Onde Furlane.