Nossere a Codroip e je stade fate la cerimonie di premiazion pe edizion numar 42 dal Premi San Simon. Il ricognossiment plui impuartant dal innomenât concors leterari, che dal 1979 al sburte la scriture, la leture e la comunicazion in lenghe furlane, al è stât dât a Raffaele Serafini.

Il premi al è stât vinçût pe  racuelte di contis 'CryptoFriûl'. Par Serafini, che al è par sigûr un dai scritôrs furlans contemporanis plui ispirâts e atîfs e al è impegnât ancje tal coordenament de ostarie leterarie virtuâl Contecurte, al è il cuart Premi San Simon. Al veve za ricevût chest ricognossiment intes edizion dal Premi dal 2015, dal 2017 e dal 2019.

Juste in ocasion de premiazion, daûr di ce che al previôt il regolament dal concors, e je stade dade fûr la publicazion de opare premiade.