Cinc dîs di cunvigne cun relazions che a frontin diviers aspiets teorics e pratics dal plurilinguisim. Al è ce che al propon il tierç Colloquium internazionâl, inmaneât de bande dal Centri internazionâl sul plurilinguisim (CEIP) de Universitât dal Friûl, che si davuelç in rêt dai 8 ai 12 di Novembar.

Inte suaze de iniziative, che il so program in detai si pues leilu culì, e je previodude ancje une taule taronde dedicade aes politichis linguistichis a pro des minorancis, che si fasarà tal dopomisdì di Joibe ai 11 di Novembar.

Stant che al è dut in rêt, si podarà stâ daûr dal Colloquium li de direzion web https://vimeo.com/event/1371558.