Lunis ai 7 di Març a 8 e mieze a buinore si scree une gnove trasmission di Radio Onde Furlane. Il so titul al è FaSÌN. net – Famiglie Sicure INsieme nella rete e sù par par jù par trê mês (dai 7 di Març ai 20 di Mai, ogni cuindis dîs, Il lunis a 8 e mieze a buinore, il martars a une e mieze dopo di misdì e il vinars a cuatri e mieze dopo di misdì) e cjatarà spazi sui 90 Mhz, sui 90.2 Mhz, sui 105.6 Mhz e su www.radioondefurlane.eu. 

Il program si insuaze intun progjet che al à chel stes titul e al è stât metût adut de bande de APS KLARIS cun chê di disvilupâ percors formatîfs sui temis de citadinance digjitâl a pro di un ûs dal web sigûr e cussient, midiant di laboratoris cui plui zovins, di conferencis par ducj, di une taule taronde finâl e, paont, di trasmissions par radio.

La iniziative e je stade metude adun cul finanziament de Regjon autonome Friûl-Vignesie Julie midiant des risorsis statâls dal Ministeri dal lavôr e des politichis sociâls, cul patrocini de Universitât dal Friûl e dai Comuns di Bicinins, di Cjarlins, di Caprive, di Martignà, di Pagnà, di Premariâs, di Tavagnà e di Voleson e Darzin cu la colaborazion de cooperative Informazione Friulana e de associazion MEC – Media Educazione Comunità.
 
Par savênt di plui: klarisweb.wordpress.com e https://www.facebook.com/AssociazioneKlaris.