A Gurize al torne èStoria. La edizion numar 18 dal Festival Internazionâle de Storie si davuelç tal cjâf lûc dal Friûl orientâl di 27 ai 29 di Mai.

Il teme de rassegne par chest an al è chel dai fassisims. Inte suaze dal program di èStoria 2022 a son ancje cuatri apontaments inmaneâts de bande dal Centri Polifunzionâl di Gurize de Universitât dal Friûl.

I prins doi a saran vie pe zornade di Vinars ai 27 di Mai: a 3 dopo di misdì lì de Mediateche Casiraghi (vie Bombi 7) al sarà l'incuintri dal titul Giovanni Minut, Achille Tellini e Felix Marchi. Terra, lingua, pace e libertà, intant che li de Sala del caminetto de UGG (vie Rismondo 2) a 6 e mieze sot sere si fevelarà di Ernesto Rossi, Altiero Spinelli e il Manifesto di Ventotene.

Vie pe zornade di Sabide ai 28 a 9 a buinore inte sale Dora Bassi (vie Garibaldi 7) l'apontament al è chel cun Raccontare le donne durante il franchismo: la voce di Carmen Martín Gaite e a misdì e mieç li de Sala del caminetto de UGG (vie Rismondo 2) al sarà un incuintri dal titul Costruzione del consenso versus creazione del consenso. Propaganda, comunicazione pubblica e partecipazione.