Lis gnovis dal Cirf

Tutele des minorancis e dirits linguistics in Europe, un seminari inmaneât di CIRF e DISG

Progjets e ricercjis

La iniziative si insuaze intal progjet european ECCA, promovût dal NPLD

Al è in plen davuelziment, dai 3 ai 19 di Mai, il seminari inmaneât dal Cirf e dal DISG, il Dipartiment di Siencis Juridichis de Universitât dal Friûl, dal titul "Tutele des minorancis e dirits linguistics in Europe: la Cjarte europeane des lenghis regjonâls e minoritariis".

Il cors al è struturât in cinc lezions di une ore e mieze e al previôt un esam finâl.

La iniziative e jentre ad in plen inte ufierte formative dal Dipartiment, inte suaze dai cors di lauree di aree juridiche (Jurisprudence, Dirit pe inovazion di impresis e aministrazions publichis e Dirit pes impresis e pes istituzions), parcè che la sô frecuence e il superament dal esam a permetin di vê il ricognossiment di un credit formatîf (CFU) dentri des ativitâts a sielte dai students.

Lis lezions si fasin a distance, doprant la plateforme informatiche "Microsoft Teams".

Il seminari si insuaze intal progjet ECCA (European Charter Classrom Activities), promovût dal NPLD, la rêt europeane pe promozion de diversitât linguistiche, che di chê e fâs part, midiant dal Cirf, ancje la Universitât dal Friûl.

Indaûr