Lis gnovis dal Cirf

Lotis dal Cormôr, ai 26 di Novembar inte cunvigne LabOral si presentin l'audiodocumentari di Rinaldi e il test teatrâl di Collavino

Lis Lotis dal Cormôr a van dilunc a fâ fevelâ di se. La memorie dal grant siopar par ledrôs che par plui doi mês al veve inflamât la Basse Furlane tra la Vierte e l'Istât dal 1950 e je simpri vive e si sint ancjemò a fuart il rivoc des iniziativis che vie pal 2020 a son stadis metudis adun de bande di une rêt di sogjets che tra che a son ancje il CIRF e il DIUM de Universitât dal Friûl, in ocasion dal setantesim inovâl di chê che e je une des pagjinis plui significativis de storie dal Friûl dal Nûfcent.

Cun di fat, inte suaze de cunvigne LabOral – Storia orale del lavoro, ai 26 di Novembar dal 2021 a Florence, l'autôr radiofonic furlan Renato Rinaldi al presentarà il so progjet di audiodocumentari Le Lotte del Cormôr. Un garbato sciopero alla rovescia, fat cun materiâl di archivi e mandât in onde su Radio 3 Rai dentri di Tre Soldi, spazi specializât inte difusion di prodots di documentazion storiche e sociâl. In chê stesse cunvigne al vignarà presentât ancje il test teatrâl di Andrea Collavino, dedicât a chê pagjine impuartantone de storie dal Friûl, scrit simpri lant daûr di chei stes materiâi di archivi.

Indaûr