Ai 6 di Fevrâr dal 1992 al murive David Maria Turoldo, predi, teolic, filosof, poete, scritôr e antifassist furlan. Cul intindiment di memoreâ il trentesin inovâl de sô muart, che al è daûr a svicinâsi, il Teatri Stabil Furlan al presente un event dedicât ae memorie dal inteletuâl nassût a Coder.

Joibe ai 20 di Zenâr a Udin, li dal Teatri gnûf 'Zuan di Udin', tacan a 9 mancul un cuart di gnot, al larà in sene il spetacul di musiche e peraulis La Ricjece da la Puaretât, metût adun di Glauco Venier e Luca Fantini cu la Orchestre Laboratori L’Insium.

Dutis lis informazions in cont dal event si cjatin culì.