Il CIRF al à dât il so patrocini pe publicazion, par cure de cjase editore L'Orto della Cultura, dal romanç in lenghe furlane (cun a flanc la traduzion in lenghe taliane) "Il secuestri di Catine" di Adriano Nascimbeni, segnalât al concors leterari San Simon di Codroipo tal 2014.

La opare e je stade presentade ai 4 di Fevrâr dal 2016, li de librarie Friuli di Udin, di Fausto Zof e Roberto Iacovissi, cuntun intervent dal diretôr dal CIRF, Paolo Pascolo.