Palaç Garzolini - di Toppo Wassermann
Ai 30 di Otubar dal 2017

Ai 30 di Otubar dal 2017, aes cinc e mieze sore sere, tal Palaç Garzolini - di Toppo Wassermann si à fate la scree dai cors di lenghe e culture furlane indreçâts ai students de Universitât dal Friûl e ai zovins fin ai 30 agns.

Il progjet, metût in pîts in gracie de poie de Fondazion Friûl e cul patrocini de ARLeF e de Societât Filologjiche Furlane, al è dât di doi cors di vincj oris, un li di palaç Antonini e che altri ai Riçs, cun docents il prof. Fabio Boltin e la dotore Linda Picco. Lis lezions a laran indenant fin ae fin di Novembar, cuntune prove di aciertament des competencis cuistadis. Ducj i partecipants a ricevaran un atestât di frecuence.