Martars ai 19 di Dicembar dal 2017, aes 5 dopomisdì
Aule 2 Palaç Antonini

Martars ai 19 di Dicembar, aes cinc daspò misdì, te Aule 2 di Palaç Antonini a saran dâts fûr i atestâts dai cors di lenghe e culture furlane inmaneâts dal Centri Interdipartimentâl pal svilup de lenghe e de culture furlane (CIRF).

Pe precision, te cerimonie a saran distribuîts sedi i diplomis pai dipendents de aministrazion  publiche che a àn frecuentât i cors di lenghe furlane - nivel di fonde e nivel intermedi, metûts in vore in gracie dai fonts de leç 482/1999; sedi chei pai students e zovins fin a 29 agns iscrits ai cors di lenghe e culture furlane inviâts in gracie de poie de Fondazion Friûl e cul patrocini de ARLeF e de Societât Filologjiche Furlane.

La cerimonie e varà tant che presentadôr di gale l'innomenât cjantant e rapper furlan Doro Gjat, non di art di Luca Dorotea, che dopo al fevelarà de sô esperience artistiche cun Pauli Cantarut di Radio Onde Furlane.