E je in plen davuelziment la edizion numar 13 dal cors “Valori identitari e imprenditorialità”, iniziative formative speciâl pai zovins di divignince furlane de Americhe dal sud inmaneade de Universitât dal Friûl e dal Ente Friuli nel Mondo.

Par chest an a partecipin al cors, che al è stât screât ai 13 di Jugn e al va dilunc fintremai ai 9 di Lui, in undis di lôr, ducj argjentins cun lidrîs furlanis.

Il progjet al ten dongje lezions in aule in cont di storie, culture, lenghis, comunicazion, economie e societât e tirocinis formatîfs in diviersis aziendis e istituzions dal Friûl.