I apontaments di Suns Europe Istât, la sezion estive dal festival musicâl des lenghis minorizadis organizât di Radio Onde Furlane, a van indevant ancje vie pal mês di Avost! Ve ca lis prossimis datis:

• joibe ai 10 di Avost l'apontament al è tal Fuart di Sante Margarite a Murùs, a 9 di sere, cu la zovine cjantautore catalane Mar Grimalt;
• vinars ai 11 di Avost Mar Grimalt, adun cul furlan Massimo Silverio, a sunaran a Udin te Cort di Palaç Morpurgo a 9 di sere;
• domenie ai 13 di Avost a 6 sot sere, si va sù fin in Cjargne, tal comun di Davâr, alì de vecje miniere di Cludinì, cul artist catalan Arnau Obiols;
• vinars ai 25 di Avost, adun cu lis furlanis Urtie, si torne te Cort di Palaç Morpurgo a Udin, di gnûf a 9 di sere.