Inte suaze dal progjet “Minoranze animate / Animirane manjšine, finanziât cui fonts dal bant de Regjon Friûl-Vignesie Julie pai vincj agns de adozion de leç 482/1999 su la tutele des minorancis linguistichis storichis, il SLORI (Istitût Sloven di Ricercjis) al à metût in vore cuatri filmâts animâts curts cun chê di slargjâ la cognossince des minorancis nazionâls presintis in Europe e intal Friûl-Vignesie Julie.

Al progjet a àn partecipât ancje dôs organizazions che a rapresentin lis altris dôs comunitâts linguistichis ricognossudis in maniere uficiâl de regjon, ven a stâi la Societât Filologjiche Furlane “Graziadio Isaia Ascoli” pe comunitât furlane e il Circul Culturâl “Fulgenzio Schneider” di Sauris pe comunitât di lenghe todescje.

Si pues stâ daûr dal incuintri che si davuelzarâ par talian li di cheste direzion web, doprant chestis credenziâls: ID 86041409111 e password 846709.