I Lineaments di leteradure furlane si proponin di ufrî un cuadri essenziâl de produzion leterarie in lenghe furlane. La publicazion, che e je finanziade de leç statâl nr. 482 dal 1999 su lis comunitâts lenghistichis storichis in Italie, e salte fûr pal Centri Interdipartimentâl di Ricercje su la culture e la lenghe dal Friûl (CIRF). Ta chestis pagjinis, in particolâr, si presentin esemplis de produzion scrite par furlan des origjins incà, cuntune serie di tocs e notis di incuadrament gjenerâl. Une Bibliografie di riferiment, cu la indicazion dai titui des antologjiis furlanis e dai studis di critiche leterarie, e complete il lavôr.

Titul: Lineaments di leteradure furlane
Autôr: Federico Vicario
Editôr: Forum
Lûc di publicazion: Udin
An di publicazion: 2013
Golaine: Cuaders dal CIRF
Formât: cm 14x21; pagjinis 40
ISBN: 978-88-8420-789-0