Tai dîs agns de muart di pre Antoni Beline (1941-2007), cheste publicazion bilengâl (furlan e talian) e intint rindi omaç e ricuardâ un dai esponents plui grancj de vite culturâl furlane e un dai massims divulgadôrs de nestre marilenghe. Predi, mestri, publicist, scritôr, tradutôr e sticeboris, ancje su temis scomuts ma simpri atuâi, pre Antoni Beline al è cognossût soredut par vê voltât la Bibie par furlan. Cetant nomenade e je ancje la opare La fabriche dai predis, indulà che al conte cence pêi su la lenghe i agns di studi tal ‘seminari arcivescovîl di Udin.

Titul: La universalitât tal pinsîr di pre Antoni Beline/L'universalità nel pensiero di don Pietrantonio Bellina
Autôrs: Roberto Berossi, Angelo Floramo, Gottardo Mitri
Editôr: Forum
Lûc di publicazion: Udin
An di publicazion: 2017
Golaine: CIRF
Formât: cm 17x24, pagjinis 64
ISBN: 978-88-3283-064-4