In ocasion dai cent agns de muart di Giacomo Bonutti, cognossût dai furlans tant che Jacum dai Zeis, il setemanâl il Friuli al promôf un concors leterari internazionâl par contis umoristichis, ispiradis a chês che - te culture popolâr furlane - lu àn simpri vût tant che protagonist di episodis lizêrs e provocatoris.

Il concors al à une categorie par contis in lenghe furlane e une altre pai tescj par talian.

Par partecipâ si àn di mandâ dentri dai 15 di Avrîl dal 2022. Il regolament complet dal concors si cjate culì.

La iniziative e je stade inmaneade in colaborazion cu la ARLeF, cu la Societât Filologjiche Furlane e la Universitât dal Friûl e al gjolt dal patrocini de Presidence dal Consei regjonâl dal F-VJ, di Ente Friuli nel Mondo e di diviers Comuns e de poie dal Comitât UNPLI F-VJ, de Confartigianato, de Confcommercio di Udin e de BancaTer.