Martars ai 11 di Lui aes 9 e mieze a buinore si scree tal Palaç Di Toppo Wassermann (in vie Glemone 92 a Udin) la esposizion dai elaborâts dal Laboratori integrât di Restauri architetonic che e documente l’iter de analisi e de propueste di intervents di restauri de vile Florio Maseri a Passarian dongje Pavie.

Su la fonde de analisi storiche, che e à indagât su lis tecnichis e i materiâi di costruzion, e e à esaminât la situazion di degrât e di dissest, a son stadis individuadis diviersis soluzions pussibilis che, ancje in gracie dal confront cu la Sorintendence, a smirin a une riativazion resonade dai spazis de vile, che e rispieti e conservi lis sôs cualitâts culturâls.

La mostre e je inmaneade dal Dipartiment Politecnic di inzegnarie e architeture e si podarà viodi fin ai 23 di Lui dal 2023.