Il Teatri Stabil Furlan (Tsf) al debute cu la sô prime produzion. Un moment cetant spietât chel de prime di "La Cjase. Lagrimis di aiar e soreli", adatament dal drame “La casa” dal poete e dramaturc Siro Angeli, a trente agns de sô muart.

La prime produzion dal Tsf e je duncje pronte a jentrâ in sene, pe regjie di Carlotta del Bianco e cuntun grup di atôrs professioniscj, zovins insiorât de partecipazion straordinarie dal sloven Vladimir Jurc.

I biliets nominâi a son disponibii li de bilietarie dal Teatri Gnûf “Giovanni da Udine”, dal martars ae sabide, des 16 aes 19, o pûr in rêt sui sîts www.teatroudine.it e www.teatristabilfurlan.it.

Par vê plui informazions si pues scrivi a: info(at)teatristabilfurlan.it.