Inte ocasion de edizion n. 31 de Fieste de Musiche, il Côr “Gilberto Pressacco” de Universitât dal Friûl al fasarà cuatri concierts – ai 19, 20, 21, 22 di Jugn –, tal prin ancje cu la Orchestre dal Ateneu. I concierts a van de tradizion popolâr furlane ae bielece sonore des Alps. La Fieste de Musiche si ten in dute Italie inte ocasion dal solstizi di Istât.

Joibe ai 19 di Jugn aes 20:45, te Aule Grande Kolbe dal Ateneu (Plaçâl Kolbe 4, a Udin), “Maratone dai ensamble Uniud” cul Côr e ​​la Orchestre de Universitât.

Vinars ai 20 di Jugn, simpri aes 20:45 te Aule Grande Kolbe, conciert dal titul “Il cjant de int: la musiche popolâr”. A cjantaran il Côr dal Ateneu e il Côr “La tela” di Udin.

Sabide ai 21 di Jugn aes 18, te Cort Morpurc a Udin (vie Savorgnane 10), apontament cu la “Academie dal Sun dal Arc Alpin: di Trent a Udin". Cul Côr “Pressacco” de Universitât dal Friûl e il Côr e ​​Orchestre de Universitât di Trent. Par partecipâ, si à di notâsi a chest leam.

Domenie ai 22 di Jugn aes 18, te Aule Grande Kolbe, conciert “Doi côrs pal Friûl” cul Côr de Universitât e il Côr “Villachorus” di Vile di Cjargne.