Si clame “Setemane”, ma e dure undis dîs. E je la novesime edizion de Setemane di Culture Furlane, il cartel di events promovût e coordenât de Societât Filologjiche Furlane (SFF), che si disvilupe dai 5 ai 15 di Mai. 

La rassegne e cjape dentri ben 192 apontaments, che 125 in presince e 67 sul web, e e je fate cul coinvolziment di 58 Comuns e di altris 157 ents, de Universitât dal Friûl fint a diviers istitûts culturâi e a une lungje liste di museus, pro-locos, circui e associazions. 

Plui in detai tal program si cjatin 20 conferencis, 50 presentazions, 33 incuintris, 23 mostris o visitis vuidadis e 17 spetacui teatrâi o musicâi. Un viaç inzirlôs tra storie, lenghe, art e teritori. 
Dutis lis informazions si trivano sul sît web www.setemane.it, che in graciis di chel al sarà pussibil lâ daûr in streaming une serie di avigniments e lis proiezions di diversis audiovisîfs.

Ve chi il program complet de Setemane.