Cu la leç n. 482 dal 1999, fate buine in atuazion dal articul 6 de Costituzion, il furlan al à viodût il ricognossiment a nivel nazionâl dal so status lenghistic e confermât il so dirit ae tutele e ae valorizazion. In plui de valence sul plan sociolenghistic, chest aveniment al à vût ancje impuartantis conseguencis tal ambit de comunicazion, in particolâr di chê publiche e istituzionâl tai siei diviers setôrs. Chest secont volum de golaine ‘Comunicare in lingua friulana/Comunicâ in lenghe furlane’ al fronte aspiets tratâts tal cors di formazion ‘Il furlan. Lenghe e culture’ organizât dal Centri Interdipartimentâl di Ricercje su la culture e la lenghe dal Friûl (CIRF) de Universitât dal Friûl, un cors dediât a dipendents des publichis aministrazions. Si metin adun, in particolâr, i contribûts presentâts e tratâts dai reladôrs dal cors di formazion, che a rivuardin la lenghe furlane, la legjislazion di setôr, i patrimonis bibliotecaris e archivistics de regjon. Il volum si propon di ufrî ai operadôrs de comunicazion materiâi di divulgazion des tematichis tratadis, materiâi bogns ancje par altris azions di formazion e di promozion de lenghe e de culture furlane.

Titul: Comunicare in lingua friulana 2/ Comuncâ in lenghe furlane 2
Curadôr: Federico Vicario
Editôr: Forum
Lûc di publicazion: Udin
An di publicazion: 2013
Golaine: Cuaders dal CIRF
Formât: cm 17x24, pagjinis 164
ISBN: 978-88-8420-718-0