Wiki Loves Monuments e je la edizion taliane dal plui grant concors di fotografie dal mont. Un concors dedicât ai monuments, che al invide ducj i citadins a documentâ e a valorizâ il patrimoni culturâl talian in rêt, fasint fotografiis par metilis sù su Wikimedia Commons cuntune licence libare.

Parcè partecipâ a Wiki Loves Monuments?

La competizion e je une oportunitât uniche par promovi il patrimoni culturâl, metint a disposizion di ducj il materiâl fotografic par ilustrâ lis pagjinis di Wikipedia, midiant de plateforme Wikimedia Commons. Ancje tes pagjinis de enciclopedie par furlan Vichipedie si podaran doprâ lis fotografiis dal concors.

Cemût partecipâ a Wiki Loves Monuments

Si puedin cjamâ lis fotografiis su Wikimedia Commons in maniere direte dal celulâr o dal ordenadôr, doprant la gnove aplicazion web.

Te nestre regjon a son 2.646 monuments di fotografâ cussì dividûts:

• 580 te provincie di Pordenon
• 1.595 te provincie di Udin
• 239 te provincie di Gurize
• 232 te provincie di Triest

PARTECIPÂ A WIKI LOVES MONUMENTS

Si puedin cjamâ fotografiis dai monuments fatis in ogni moment dal an, ma par jessi validis pal concors, lis fotografiis a àn di jessi cjamadis jenfri il prin e il trente di Setembar. Se si seguìs la procedure vuidade, lis fotografiis a parteciparan in mût automatic aes competizions locâls e, se a son selezionadis, a chê internazionâl.

Lis istituzions o i citadins che a gjestissin un monument, par dâ la liberatorie par fâlu fotografâ pai fins dal concors, a àn di seguî lis istruzions su la pagjine istituzions.

Par cualsisei domande si pues scrivi a contatti(at)wikimonuments.it.