Sabide ai 16 di Otubar a San Zorç di Noiâr a 4 e mieze dopo di misdì, inte sale conferencis di Vile Dora, si fasaran lis premiazions dal concors Vôs de Basse, inmaneât de bande dal Sportel pe Lenghe Furlane de Basse cul patrocini de Societât Filologjiche Furlane e de Cooperative Informazione Friulana/Radio Onde Furlane.

Dongje des premiazions a saran ancje lis leturis, par cure di chei di Contecurte, dai tescj vincidôrs e segnalâts e lis interpretazions in musiche di Nicole Coceancig e Leo Virgili des poesiis “finalistis” e premiadis.