In ocasion dai vincj agns de leç 482/1999 su la tutele des minorancis linguistichis storichis, il Museo della gente della Val Resia e l’ISK (Istitût pe culture slovene) a inmanein une cunvigne dal titul “Musei: luoghi vivi delle lingue di minoranza”.

I intervents, moderâts dal professor Roberto Dapit de Universitât dal Friûl e di Luigia Negro, presidente dal Museo della Gente della Val Resia di Stolvize, a ilustraran e analizaran la presince des lenghis minoritaris regjonâls intes realtâts museâls dal Friûl-Vignesie Julie, cuntune atenzion particolâr al furlan, al sloven e ai grups linguistics todescs di Sauris e di Sapade.

L’event si tignarà in presince vinars ai 2 di Lui aes 2 dopomisdì tal Palaç Venezian di Malborghet e Valbrune e, par chei che a vulin stâi daûr in rêt, mediant de plateforme Zoom li di cheste direzion web dulà che al sarà pussibil notâsi dant i dâts personâi.