La Societât Filologjiche Furlane e inmanee une volte ogni doi agns il concors par ricuardâ la figure e la opare di Andreina e Luigi Ciceri, cun chê di onorâ il lôr lavôr a pro dal studi de storie e des tradizions des comunitâts dal Friûl.

Il Premi al è dividût in dôs sezions: scrits (saçs libars, tesis di lauree magjistrâl e di dotorât) e progjets par percors espositîfs.

Al è timp fintremai ai 20 di Avost par mandâ i lavôrs che a varan di sei indreçâts ae sede de Societât Filologjiche Furlane.

Il bant al è a disposizion li di cheste direzion web, il modul di iscrizion invezit li di cheste altre.

Par vê plui informazions si pues clamâ la Biblioteche de Societât Filologjiche Furlane al numar 0432/501598 int. 2, scrivi a biblioteca(at)filologicafriulana.it o visitâ il sît www.filologicafriulana.it