Dutis lis gnovis

Lenghe e culture furlane, dai 5 di Setembar ai 5 di Otubar il CIRf al inmanee un gnûf cors par students

cors an 2022

Ancje par chest an il Centri Interdipartimentâl pal Svilup de Lenghe e de Culture dal Friûl (CIRF) de Universitât dal Friûl al inmanee un cors di lenghe e culture furlane pai students dal Ateneu e par ducj i zovins interessâts a cognossi miôr la ricjece de nestre tiere, sedi a nivel linguistic, sedi par chel che al tocje la storie, lis tradizions e il teritori.
 
La prime lezion si fasarà ai 5 di Setembar dal 2022 e si larà indenant ducj i lunis e i miercus, des 2 e mieze aes 5 e mieze daspò misdì, fin ai 5 di Otubar, par un totâl di 30 oris. Il cors si tignarà in linie, su plateforme informatiche Microsoft Teams. 

Il program al previôt elements di fonde di grafie e di gramatiche de lenghe furlane, adun cun nozions di culture e di storie dal Friûl. Cun di plui, vie pes lezions a vignaran presentâts ancje i ents plui impuartants che a son impegnâts, ognidun daûr de sô specificitât istituzionâl e organizative, pe promozion de lenghe furlane e de culture dal Friûl, ven a stâi la Agjenzie Regjonâl pe Lenghe Furlane (ARLeF), la Societât Filologjiche Furlane e la Cooperative Informazione Friulana/Radio Onde Furlane, che a colaborin ae iniziative e che a vierzaran ancje lis puartis des lôr sedis par une visite vuidade.

A ducj i iscrits ur vignarà dât un atestât di partecipazion.Pai fantats des superiôrs e je la pussibilitât di vê il ricognossiment dai credits formatîfs pe ativitât extrascolastiche.

Par vê informazions e par notâsi si pues clamâ il CIRF al numar 0432 556480 o ben mandâ un messaç di pueste eletroniche a .

Plui detais sul sît istituzionâl o su la pagjine Facebook Uniud par Furlan. 

Indaûr