Martars ai 15 di Otubar aes 20.30 tal Teatri Palamostre - plaçâl Paolo Diacono 21 a Udin

Test di Pier Paolo Pasolini

Musichis di Luigi Nono

Cui atôrs dal Teatri Stabil Furlan

e il Côr dal Friûl Vignesie Julie

Produzion Teatri Stabil Furlan – Côr dal Friûl Vignesie Julie

In colaborazion cul CIRF – Centri interdipartimentâl pal svilup de lenghe e de culture furlane “Josef Marchet”

“I Turcs tal Friúl” al è dal sigûr il test teatrâl furlan che plui al à vût visibilitât di là dai confins de Patrie, dal debut venezian de edizion gloriose dal 1976 (a pene muart il poete, e a pene distrut il Friûl dal taramot) di Rodolfo Castiglione, cu lis musichis di Luigi Nono e cu lis senografiis di Luciano Ceschia, ae tournée taliane de magnifiche edizion dal 1996 di Elio De Capitani, cu lis musichis di Giovanna Marini, e cun protagoniste Lucilla Morlacchi. Cualchi atôr di chê edizion, dutune cu la gnove jeve di professioniscj, al à tornât a cjapâ in man chel copion, par contâ ancjemò la storie de invasion dai Turcs dal 1499. Sul fonts, il Tiliment, vêr protagonist de storie contade, de biografie di Pasolini, dal Friûl.

Al è il 1499, intant de invasion dai turcs in Friûl la vile di Cjasarse e sta par jessi assaltade. La comunitât alore si da dongje, e discut, e sielç cemût reagjî, fra la acetazion di un destin che al somee segnât e il slanç di riviel, soredut dai zovins. In cheste contraposizion di intindiments, si disglagne ancje il drame familiâr de famee Colùs, fra il contemplatîf Pauli e il ribel Meni.

Par informazions viodi la pagjine dal spetacul I turcs tal Friúl sul sît dal Teatri Stabil Furlan

Il CIRF al met a disposizion un ciert numar di biliets sore nuie, disponibii fin a esauriment.
Si pues prenotâ l'ingrès dentri di martars ai 15 di Otubar aes 13.00 scrivint a cirf(at)uniud.it o clamant il numar 0432 556480